Менaџерот на Манчестер Сити, Пеп Гвардиола, изјави дека статистиката на Ерлинг Хaланд може да се спореди со онаа на двајцата најголеми фудбалери во историјата – Лионел Меси и Кристијано Роналдо.
Во неделата, норвешкиот напаѓач постигна свој четврти последователен „дaбл“ на домашен натпревар во Премиер – лигата, помагајќи им на „граѓаните“ да го совладаат Борнмут со 3-1. Со тоа, Холанд стана само третиот играч во историјата кој постигнал два или повеќе гола на четири последовни домашни натпревари во англиската елита — подвиг што претходно го успеале само Роби Фаулер (1995/96) и Луис Суарез (2013, со пет натпревари по ред).
„Секако, одигравме одлично. А Ерлинг повторно беше клучен“, изјави Гвардиола. „Малку е како кога играте со Меси или Кристијано – нивното влијание е огромно.“
На прашањето дали Хaланд веќе го достигнал нивото на тие легенди, Гвардиола одговори:
„Ги гледате бројките на овој човек? Да, секако дека е на нивното ниво кога станува збор за голови. Разликата е во тоа што Меси и Роналдо го прават тоа веќе 15 години. Меси и денес постигнува по два-три гола по натпревар во МЛС лигата, истото важи и за Кристијано во Саудиска Арабија. Но, Халанд е на тоа ниво и без него би ни било многу потешко.“
Со најновите погодоци, Халанд е само два гола далеку од бројката од 100 голови во Премиер – лигата, а одиграл само 107 натпревари. Доколку го достигне тој праг наскоро, ќе го собори рекордот на Алан Ширер, кој за истото достигнување му беа потребни 124 натпревари.
