Охрид беше на прагот на Прва лига, но не успеа. Имаше водство од 2-1 и одолеваше на нападите на Ренова иако беше во финишот и со играч помалку поради исклучувањето на Шериф Реџепи. И во 89.минута, се случи кобната грешка на младиот голман Николче Симоновски.
На еден центаршут од десната страна, навидум изгледаше дека лесно ќе ја скроти топката, но таа му се излизга од рацете и му дојде како подарок на Шефит Шефити кој успеа да израмни. По ова, Ренова во драматична серија пенали славеше и обезбеди опстанок во елитата.
