Манчестер Сити им се врати на победите во Премиер – лигата славејќи (1-2) на гости против Астон Вила. „Граѓаните“ по неочекуваниот пораз од Лидс Јунајтед на „Итихад“ одиграа на своето ниво и успеаја да слават. Астон Вила поведе со голот на Џош Мекгин уште во првата минута, но Фил Фоден и натаму е голгетерски расположен и израмни во 22.минута.
Родри се погрижи за пресврт во 40.минута. Ниту црвениот картон на Џон Стоунс не ги поремети играчите на Пеп Гвардиола, а во второто полувреме поцрвене и Мети Кеш од Астон Вила.
