Македонскиот прволигаш Гостивар продолжува таму каде што застана во претходниот преоден рок. И оваа зима ќе биде интересно тоа што ќе го доведе клубот како засилувања во Првата фудбалска лига на Македонија.
Нов напаѓач на Гостивар е Петар Слишковиќ (32), хрватски интернационалец кој има 15 настапи во Бундес-лигата, и многу повеќе во втората Бундес-лига. Бил член на Мајнц, Динамо Дрезден, Сент Паули, Дуизбург, Ален, Халешер…
Последен клуб на Слишковиќ е Јамдешпур во Индија, а сега се враќа во Европа и ќе го носи дресот на Гостивар.
