Капитенот на македонскиот прволигаш Академија Пандев, Ѓорѓи Стоилов, одлучи да го напушти струмичкиот тим. Тој најави дека по пет години во дресот на „пандевци“ треба да направи чекор напред во кариерата.
„Пет години исполнети со многу радосни моменти и тага. Време е да се направи промена и да се придвижиме напред кон нови предизвици. Ви благодарам за сè ФК Академија Пандев, ви посакувам се најдобро во иднина“, изјави Ѓорѓи Стоилов.
Академија Пандев успеа да избори опстанок во елитата, но го загуби финалето на Купот на Македонија од Силекс.
