
Со шест бода од три кола екипата на Пелистер е во посакуваниот прв дел на табелата, но незгодниот распоред кој им донесе повеќе гостувања на битолчани дополнително се комплицира со гостувањето на жешкиот терен во Ѓорче Петров.
Филип Бошковски е ден од ретките играчи што е во тимот од претходно, па оптимист е во поглед на натамошната надградба на тимската игра.
„Имаме потполно нова екипа и се повеќе се разигруваме, се запознаваме. Тренерот исто така придонесува многу, создава добра работна атмосфера и бара од нас да се надигруваме со противниците. Амбициите се високи, одиме на три бода иако очекуваме тврд натпревар бидејќи нивниот тим секогаш бил незгоден за нас. Имаат сличен ростер од лани, добро се познаваат, сигурни сме дека ги посакуваат трите бода, но ние ќе одиме сконцентрирани на нашата игра. Немаме победа со нив од 2017 година и веруваме дека сега е моментот тоа да се промени“, изјави Филип Бошковски.
Тренерот Димитар Капинковски беше задоволен од освоените три бода против Шкупи, но од тој натпревар во овој ќе ја пренесе само вербата во своите момци.
„Шкупи ни беше непознат бидејќи во првото коло играше без странци, а во второто не го одиграа мечот со Силекс. Влеговме претпазливо, воочивме каде би можеле да бидеме подобри од нив и успеавме во тоа со едниот гол на Ристиќ, кој исто така имаше и асистенција за вториот гол. Жал ми е што се уште немаме играно во Битола, но и тоа ќе дојде на дневен ред. Сега сите мисли се сконцентрирани само кон претстојниот меч со Македонија Ѓорче Петров и позитивниот резултат ќе биде вистински показател дека сме на добар пат со посакуваната форма“, додава Капинковски.
Натпреварот од четвртото коло на ПМФЛ се игра денеска, со почеток во 16.30 часот.

-
МАКФУДБАЛ ТИМ НА КОЛОТО ВО ПРВАТА ЛИГА
Арсими дојде во Тетово и ја сопре Шкендија, а Силекс и Струга ТЛ се...
Автор makfudbal
-
МАКФУДБАЛ ИГРАЧ на колото: Филип Алексовски (Башкими)
Башкими е веројатно најпријатното изненадување на стартот на сезоната во Првата лига. Новиот прволигаш...
Автор makfudbal

Евро-фудбал
Тотенхем е фаворит за потписот на Мануел Аканџи

Евро-фудбал
Лукас Пакета пред трансфер во Астон Вила

Интернационалци
Бојан Миовски потпиша за Глазгов Ренџерс
