Голманот Силјановски брзо си замина од Борец

Македонскиот прволигаш Борец остана и без голманот Дејан Силјановски кој од денеска веќе не е член на клубот. Тој пристигна на стартот од оваа година од Беласица, но по промената на раководството на велешкиот клуб донесе одлука сепак да замине.

Голманот е слободен играч и ќе побара нова средина во пресрет на пролетната полусезона. 

На тренинзите на Борец пристигна Андреја Ефремов кој е исто така слободен играч и се очекува да ја пополни голманската позиција.