Бесир Рамадани, ново име во одбраната на Тиквеш

Тимот на Тиквеш го зајакна својот дефанзивен ред со ангажман на 25-годишниот стопер Бесир Рамадани, кој пристигнува од косовскиот прволигаш Гњилане.

Рамадани е фудбалер со солидно искуство, кој во својата кариера ги носел дресовите на неколку клубови од регионот – меѓу нив и Приштина, додека на македонската сцена настапуваше за Струга Трим Лум, Шкупи и Гостивар. Неговото доаѓање треба да внесе стабилност и цврстина во одбранбената линија на кавадарчани пред стартот на новата сезона.