Главниот финансиер на Суперлигата, американската инвестициска банка „Џеј Пи Морган“, се повлече од проектот. Ова и дефинитивно ќе стави крај на надежите за 12 клубови дека би можеле да создадат самостојно европско натпреварување.
„Погрешно ја проценивме ситуацијата“, соопштија од „Џеј Пи Морган“.
Американската инвестициска банка требаше да го покрие целиот проект со вкупно 6 милијарди евра, а секој од дванаесетте клуба само за учество требаше да добие по 350 милиони евра.
Од друга страна, УЕФА одлучи да не ги казнува клубовите „одметници“ за потегот и веројатно тоа треба да биде потег за стабилност на функционирањето на Лигата на шампионите.
