Селекторот на фудбалската репрезентација на Велс и легенда на Манчестер Јунајтед, Рајан Гигс, е обвинет за физички напад над две жени во ноември минатата година.
Гигс е обвинет за вкупно три кривични дела. Ноќта на 1 ноември 2020 година тој и нанесе телесни повреди на 30 – годишна жена, неговата поранешна девојка Кејт Гревил. Истата вечер нападнал 20- годишна девојка, но таа минала без сериозни повреди. Тој е обвинет и за заканувачко однесување и присилна контрола над неговата поранешна девојка во периодот од декември 2017 година до ноември 2020 година. Тој мора да се појави на суд во Манчестер на 28 април и беше ослободен со кауција.
Доколку биде осуден за злоупотреба, на Гигс му се заканува затворска казна од пет години.
Тој не ја водеше репрезентацијата на Велс од апсењето во ноември, а Фудбалската асоцијација потврди дека Гигс нема да биде селектор на претстојниот Европски шампионат. Него го заменува поранешниот селектор на репрезентацијата до 21 година, Роберт Пејџ.
Гигс е во врска со Кејт Гревил од 2017 година. Врската започна осум месеци откако тој се разведе од сопругата Стејси, која осум години ја изневеруваше со сопругата на неговиот брат.
