Манчестер Јунајтед оствари важна победа (2-4) на гости против Лидс Јунајтед со која се зацврсти на четвртата позиција на табелата во Премиер – лигата со 46 бода, четири повеќе од Вест Хем.
Хари Мегваер во 34.минута го отвори резултатот, а Бруно Фернандеш пред крајот на првиот дел зголеми на 0-2.
Сепак, Лидс Јунајтед успеа брзо да израмни на стартот од второто полувреме, со головите на Родриго и на Рафиња.
Тимот на Ралф Рангник повторно се издигна и преку Фред, а во финишот и со голот на Еланга, на крајот славеше со 2-4.
