Италијанецот Џенаро Гатузо се уште чека тренерска работа по заминувањето од клупата на Наполи. Легендарниот фудбалер на Милан се поврзуваше со клупата на Гоазгов Ренџерс, но и со некои клубови во Англија, а најновите информации говорат дека Гатузо би можел да биде селектор на фудбалската селекција на нашиот јужен сосед.
Грција сака да го освежи стручниот штаб пред новиот циклус на Лигата на нации, но и квалификацискиот циклус за ЕВРО 2024, па го гледаат Гатузо како сериозен кандидат за нов селектор на националниот тим.
Гатузо тренерската кариера ја започна во 2013 година во Сион, а потоа продолжи во Палермо. Ги водеше и Пиза, Милан и Наполи.
Тој има контакти со грчкиот фудбал со оглед дека во 2014 година кратко време беше тренер на ОФИ Крит, па преземањето на грчката репрезентација и не би му било толку непознато.
