Футсал тимот поразен од Холандија

Футсал репрезентацијата на Македонија загуби со 0-3 од селекцијата на Холандија на домашен терен во натпревар од петтото коло од групата 7 од квалификациите за пласман на ЕП.

Во спортска сала „Јане Сандански”, во Скопје, Македонија одигра добро прво и лошо второ полувреме. Сите погодоци противникот ги постигна во второто полувреме.

Избраниците на селекторот Васко Скендеровски одиграа добро во првиот дел, создадоа неколку солидни прилики за постигнување на погодок, но без реализација.

Во продолжението од натпреварот, Кемпс во 24. минута го отвори резултатот. Минута подоцна Холандија преку Мартинус зголеми на 2:0. Истиот играч во 35. минута по втор пат се запиша во листата на стрелците на денешниот натпревар. 

Футсал квалификации за Е.П.

Македонија – Холандија   0-3 (0-0)

МАКЕДОНИЈА: Антонио Петровски, Садат Зибери, Марио Благојевски, Драган Петровиќ, Јакуп Рамадан;

Иван Стојановски, Зоран Левески, Таулант Исмаили, Иван Крстевски, Лазар Пеев, Бојан Јанев, Берат Рамадани, Мартин Тодоровски, Еркан Сефери;

Селектор: Васил Скендеровски;