Фиорентина е многу блиску до доведување на ѕвездата на Лил, Џонатан Иконе (23) за 15 милиони евра. Тосканците бараат нов офанзивец и приоритет му дадоа на Доменико Берарди од Сасуоло.
Преговорите меѓу Фиорентина и Лил се во напредна фаза, а играчот наводно веќе се договорил за трансфер во Фиренца. За одличниот Французин е заинтересиран и Лајпциг, но Фиорентина ја држи „пол-позицијата“ и прашање на време е кога се ќе се официјализира.
Иконе е производ на академијата на ПСЖ, тој во 2018 година направи трансфер во Лил вреден 5 милиони евра, а досега постигна 16 гола на 144 настапи.
Некои од неговите поранешни соиграчи, како Мајк Мањан и Виктор Осимен веќе се преселија во Серија А од Лил и се нови ѕвезди на Милан и на Наполи.
