Фиорентина ја продолжи мизеријата на Аталанта на стартот од новата сезона во Серија А. Тимот од Бергамо загуби со 1-2 на домашен терен и има само четири бода, иако се надеваше дека ќе конкурира и во трката за шампионската титула.
Во меч со три досудени пенали, два беа на страната на Фиорентина, а успешно ги реализираше Душан Влаховиќ. Во 33. и во 49.минута, Влаховиќ двапати реализираше од белата точка, а во 65.минута беше досуден пенал и за Аталанта. Успешен беше Дуван Запата, но, сепак, домашниот тим не успеа да стигне до реми.
