Филип Глигоров потпиша за Шкупи

Филип Глигоров се враќа во Македонија и по три години повторно е на Чаир. Тој потпиша договор со Шкупи и го засили тимот за новата сезона во македонскиот шампионат и настапот на меѓународна сцена.

„Се враќам во Шкупи после три години. Разговарав со челниците на клубот, ми се допадна проектот, Шкупи има добар тим кој ќе се бори за титулата. Ме привлече фактот и дека ќе играме против Нефчи во Лига Европа. Ќе дадам се од себе да изборам место во стартниот тим иако има голема конкуренција и да дадам придонес во обидот за освојување на титулата“, изјави Филип Глигоров за официјалниот сајт на клубот.