ФИФА не го одобри барањето на данската фудбалска репрезентација да тренира во дресови со пораки за почитување на човековите права на Светското првенство во Катар. Данците сакаа фудбалерите во Катар да тренираат во дресови на кои пишува „Човекови права за сите“.
„Испративме барање до ФИФА, но одговорот беше негативен. Жалиме, но мораме да го земеме предвид“, изјави за данските медиуми генералниот секретар на федерацијата, Јакоб Јенсен.
ДБУ не се согласува дека тоа е политичка порака, но нагласи дека ќе ја почитува одлуката на ФИФА.
Светското првенство во Катар започнува на 20 ноември, а Данска ќе игра во групата Д со Франција, Австралија и со Тунис.
