Познатиот германски тренер Феликс Магат (68) е нов тренер на бундеслигашот Херта, потврди клубот. Се очекува тој да остане на кормилото на берлинскиот клуб до крајот на оваа сезона, наследувајќи го Тајфун Коркут, кој падна на претпоследната позиција во Бундес – лигата по пет првенствени порази во низа.
„Свесни сме за ситуацијата во која се наоѓаме. Подготвен сум да го искористам целото мое искуство за да и помогнам на Херта да остане во Бундес – лигата. Сега е важно сите целосно да се фокусираме на преостанатите средби“, изјави Магат.
