Одредени се судиите за утрешните бараж натпревари за пласман во Првата лига. Марјан Ецкоски од Охрид ќе биде главен судија на средбата меѓу Тиквеш и Силекс. Ќе му помагаат Слаѓан Маркоски (Гостивар), Даниел Василевски (Скопје) и Јован Качевски (Струга).
Овој натпревар се игра на Националната арена „Тодор Проески“ во Скопје со почеток од 16 часот.
Александар Грујоски од Кичево ќе го суди бараж натпреварот меѓу Ренова и Охрид, кој се игра на комплексот ФФМ со почеток од 16 часот. Ќе му помагаат Куштрим Лика (Кичево), Зоран Јанкуловски (Кичево) и Марјан Стојановски (Кичево).
Доколку во регуларниот тек бараж натпреварите завршат без победник веднаш ќе се изведуваат пенали.
