Босанскиот интернационалец Един Џеко по завршувањето на сезоната во Серија А и дефинитивно ќе ја напушти Рома. Но, тој би можел да остане во италијанското Калчо и да потпише едногодишен договор со Интер, тврди „Газета“.
Џеко имаше несогласувања со тренерот на римскиот тим Пауло Фонсека, а откако ги надмина не е така незаменлив во дресот на Рома. Иако има уште една година од договорот, тој најверојатно ќе замине со спогодбен раскин и како слободен агент би можел да му се приклучи на Интер. Рома ќе спаси 7,5 милиони евра колку што изнесува годишната плата на Един Џеко, а тој би заминал во Милано на покана од Антонио Конте.
Покрај Интер, Един Џеко е цел и на турските гиганти Галатасарај и Фенербахче, а има понуди и од Блискиот Исток.
