По речиси две години од заминувањето на Славиша Кокеза од чело на Фудбалскиот сојуз на Србија, избран е нов претседател. По вчерашното повлекување на Немања Видиќ од кандидатурата, немаше дилема дека Драган Џајиќ (76) ќе биде нов претседател на Фудбалскиот сојуз на Србија. На седницата присуствуваа и претставници на УЕФА.
Џајиќ освои апсолутно мнозинство со гласовите на 78 присутни делегати од вкупно 85. Во извршниот одбор се и поранешниот селектор на Србија и тренер на Партизан, легендата на Црвена Звезда, Владимир Петровиќ Пижон.
Драган Џајиќ е играч и официјална легенда на Црвена звезда. Важи за еден од најдобрите српски и југословенски фудбалери на сите времиња. Тој одигра 85 натпревари во репрезентацијата, а од 1998 до 2004 година беше претседател на ФК Црвена Звезда на чие чело беше на различни функции над две децении.
Џајиќ како тогашен технички директор на Црвена звезда ја создаде најдобрата генерација во историјата на клубот, со која се искачи на врвот на Европа во мај 1991 година, освојувајќи го Купот на европските шампиони и светот, кога Црвена звезда ја освои Интерконтинентален куп во конкуренција за најдобар клуб на планетата. Во тој тим имаше и двајца Македонци, Илија Најдоски и Дарко Панчев.
