Најдобриот голман во светот за 2021, Џанлуиџи Донарума, верува дека европскиот првак Италија ќе се пласира на Светското првенство во Катар. Тој очекува „аѕурите“ без проблеми да ја совладаа Македонија како прва пречка од баражот, а потоа верува дека ќе ја победат и Португалија на Кристијано Роналдо за пласман на мундијалот.
„Верувам дека ќе играме на мундијалот во Катар. Без проблеми треба да ја победиме Македонија во Палермо, а потоа очекувам да победиме и против следниот ривал. Тоа најверојатно ќе биде Португалија со Кристијано Роналдо. Италија ќе игра на СП во Катар, бидете сигурни во тоа“, изјави Џанлуиџи Донарума во интервју за „Газета дело спорт“.
