Голманот на Ливерпул, Алисон Бекер, се врати на тренинзите на тимот. Тој и понатаму е под знак прашалник за утрешниот натпревар против Кристал Палас, откри тренерот на „црвените“, Јирген Клоп.
„Работите изгледаат добро со Алисон, но не знам дали е доволно добар за утре да настапи. Морам да разговарам со тренерите, медицинскиот штаб и со него, секако“, изјави германскиот страгег.
Голманот на Ливерпул ја заработи повредата на ремито (1-1) против Манчестер Сити.
Ситуацијата околу светскиот шампион со Аргентина, Алексис Мекалистер, не е толку добра. Тој сигурно нема да учествува на средбата со Кристал Палас, а неизвесно е дали ќе игра до крајот на календарската година.
