Директорот на Агенција за млади и спорт Наумче Мојсоски, во друштво на градоначалникот на општина Велес, Аце Коцевски, направи увид во спроведената реконструкција на Градскиот стадион во Велес. Тоа е еден од проектите во програмата на Агенцијата за млади и спорт, чија реконструкција чинеше околу 200.000 евра денари, а со тоа градот Велес доби современ фудбалски стадион кој ги исполнува условите од втората категорија на УЕФА, со капацитет наменет за 4000 гледачи.
Директорот Наумче Мојсовски изјави дека Агенцијата за млади и спорт ќе продолжи со инвестиции во спортската инфраструктура во Велес, притоа најавувајќи ја инвестицијата за изградба на затворен пливачки базен како и спортска сала во Велес.
