Бугаринот Николај Дилгеров ќе има кус престој во Работнички. Се очекува тој спогодбено да го раскине договорот и да го напушти клубот од Дебар Маало по само четири одиграни кола во Првата фудбалска лига. Фудбалерот за врска беше доведен како големо засилување, но очигледно не се вклопи најдобро во составот на „романтичарите“.
Работнички има слаб старт на пролетниот дел од првенството. Во четири кола оствари еден триумф, две ремија и пораз од Академија Пандев во директниот дуел со конкурент за настап во Европа.
