Аргентинската ѕвезда Анхел ди Марија, најверојатно ќе го напушти францускиот гигант Пари Сен Жермен на лето. Според „Л’Екип“, раководството на клубот од Париз нема да му понуди нов договор на офанзивниот играч за врска, а тој ќе си замине на лето како слободен играч.
Договорот на Ди Марија истекува во јуни, а засега нема индиции дека ќе биде продолжен. Желбата на фудбалерот е барем уште една сезона да остане во француската престолнина, по што ќе се врати во татковината каде најверојатно ќе ја заврши кариерата.
Ди Марија дојде на „Паркот на принцовите“ од Манчестер Јунајтед во 2015 година.
