Најпријатното изненадување во Ла Лига, тимот на Џирона, продолжува да игра одлично оваа сезона. Каталонскиот тим славеше со 5-2 на домашен терен против Алмерија и се израмни бодовно на врвот со лидерот Реал Мадрид.
Алмерија имаше два гола предност, откако Лео Баптистао погоди во втората и во 24. минута од мечот. Но, Џирона успеа да се врати во ритам и да слави и убедлив триумф.
За шест минути Џирона, постигна три гола и на одмор замина со предност. Погоди Мартин, а потоа два гола постигна Довбик.
Во второто полувреме стрелаа и Савио и Стуани.
