Стивен Џерард одлично го предводи тимот на Астон Вила, кој имаше многу проблеми на почетокот на шампионатот, а моментно се наоѓа на средината на табелата во Премиер – лигата и има големи планови за во иднина.
Откако пристигна на позајмица од Барселона, Бразилецот Кутињо, клубот од Бирмингем планира два големи потписи на лето. Првиот е секако откупот на договорот на бразилскиот играч за врска, а вториот е трансферот на неговиот поранешен соиграч од Ливерпул, Џорџинио Вајналдум.
Медиумите во Англија пренесуваат дека менаџерот Стивен Џерард е подготвен да ја активира летната „бомба“ и да го доведе Холанѓанецот од „Паркот на принцовите“ кој би имал клучна улога во средниот ред на составот од Премиер – лигата.
На Астон Вила и се потребни 25 милиони евра за да ги започне преговорите со ПСЖ околу трансферот на Вајналдум, кој не се снајде во редовите на „светците“ откако минатото лето дојде од Ливерпул како слободен играч.
Тој за ПСЖ оваа сезона одигра 22 натпревари, постигна само еден гол и забележа две асистенции.
