Трансферот на Џејдон Санчо од Манчестер Јунајтед во Јувентус е практично договорен. Двата клуба направиле одредени компромиси во преговорите за да се реализира зделката.
Се очекува Санчо да потпише со „старата дама“ пред почетокот на подготовките на италијанскиот клуб.
Првично, „црвените ѓаволи“ бараа 25 милиони евра за англискиот репрезентативец, но на крајот ја прифатиле последната понуда на Јувентус во висина од нешто повеќе од 17 милиони евра.
Голема улога во преговорите одиграл и самиот фудбалер, кој инсистирал да биде продаден токму во Јувентус.
Агентот на Санчо веќе пристигнал во Торино за финални разговори и прецизирање на последните детали околу договорот со италијанскиот гигант.
