Јувентус не успеа да го добие градското дерби против Торино. Тимот на Масимилијано Алегри ремизираше 1-1 и потклекнува во трката за четвртата позиција со Аталанта.
Матијс де Лихт во 13.минута донесе предност за „старата дама“ на овој дуел, но Јувентус не успеа да наметне своја игра и во продолжението од мечот. Напротив, Торино беше подобар, создаде повеќе шанси, а по асистенцијата на Брејкло капитенот Андре Белоти успеа да израмни во 62.минута.
До крајот Јувентус речиси и да беше без шанси, а Алегри ги повлече и Дибала и Влаховиќ чувајќи ги силите за дуелот против Вилјареал во Лигата на шампионите.
