Даниел Георгиевски: Ја разбудив сопругата во 5.30 кога Македонија се пласира на ЕВРО

Поранешниот македонски репрезентативец Даниел Георгиевски живее во Австралија и го опишува моментот кога Македонија се пласираше на Европското првенство. Нашиот национален тим успеа да го добие бараж – плејофот против Грузија (0-1) со голот на Горан Пандев во Тбилиси, а Георгиевски по завршувањето на мечот врескал од среќа во пет часот наутро.

„Беше пет и пол часот наутро. Врескав многу гласно и ја разбудив сопругата кога Македонија се пласираше на Европското првенство. Се чувствував како да сум дел од тимот. Играв со голем дел од тие момци“, изјави Даниел Георгиевски за „Оптус спорт“.