Барселона минимално со 1-0 славеше над Мајорка во натпревар од 33. коло на шпанското првенство. Со оваа победа, каталонскиот гигант се зацврсти на врвот на табелата и сега има 76 бодови – седум повеќе од вечниот ривал Реал Мадрид, кој за помалку од 24 часа ќе се соочи со Хетафе.
Домашниот тим имаше целосна контрола на играта, но успеа да го скрши отпорот на противникот со само еден погодок. Клучниот момент се случи на самиот старт од второто полувреме. Во првиот напад по паузата, Дани Олмо се снајде одлично во шеснаесетникот на Мајорка и ја затресе мрежата – гол што на крај се покажа како доволен за освојување на трите бода.
Барселона упати неверојатни 40 удари кон голот на Мајорка, а голманот Лео Роман имаше дури 13 одбрани.
