Турскиот гигант Бешикташ ќе го привлече капитенот на Лацио, Чиро Имобиле, тврдат медиумите во Турција.
Според информациите, Бешикташ постигнал договор со 34-годишниот италијански напаѓач и за него ќе плати 4 милиони евра.
Имобиле се очекува да потпише двегодишен договор со Бешикташ и во наредните денови да пристигне во Турција.
Капитенот на Лацио одигра 43 натпревари за тимот минатата сезона, постигна 11 голови и забележа една асистенција.
Имобиле игра во клубот од 2016 година, со вкупно 340 натпревари и 207 голови за римјаните.
