Челси и Ливерпул ремизираа без голови на „Стемфорд бриџ“. Тоа веројатно најмалку им одговараше и на двете екипи, но доволно добро ја отсликува нивната сезона во Премиер-лигата.
Челси беше поблиску до победа, ако се знае дека ВАР беше на страната на Ливерпул. Не му „призна“ два гола на Челси, што ги постигнаа Рис Џејмс и Каи Хаверц.
Лестер продолжи да губи и по заминувањето на Брендан Роџерс. Астон Вила триумфира со 1-2 на гости, а стрелци на головите беа Оли Воткинс и Бертранд Траоре.
Лидс Јунајтед со 2-1 славеше против Нотингем Форест, а Брајтон на гостински терен оствари триумф (0-2) против Борнмут.
