Суперлигата е суспендирана, но претседателот на УЕФА, Александер Чеферин, сака да ги изгаси сите пламенчиња што се уште горат. Тој најави дека Реал Мадрид, Барселона, Јувентус и Милан, клубовите кои се уште не се повлекле официјално од Суперлигата, ќе мораат да го сторат тоа доколку следната сезона сакаат да играат во Лигата на шампионите на УЕФА.
„Реал Мадрид, Барселона, Јувентус и Милан ќе мора да донесат одлука дали се клубови од Суперлигата или се европски клубови. Ако одлучат дека се дел од Суперлигата, тогаш секако не можат да играат во Лигата на шампионите“, изјави Александер Чеферин.
Ова секако ќе предизвика нова голема бура во фудбалска Европа.
