Новиот прволигаш Брегалница ангажираше уште едно засилување за наредната сезона. Штипскиот тим го комплетираше трансферот на бугарскиот репрезентативец Иван Минчев.
Станува збор за 30-годишен фудбалер кој настапува во средниот ред и доаѓа во Брегалница од редовите на Берое. Претходно, овој фудбалер го има носено и дресот на ЦСКА Софија, Спартак Варна, Монтана и Славија Софија, а има и неколку настапи за бугарскиот национален тим.
Минчев е третото засилување на Брегалница за наредната натпреварувачка сезона, откако претходно пристигнаа македонскиот дефанзивец Даниел Мојсов и Антонио Азиновиќ.
