Бонучи го надмина коронавирусот, се враќа на тренинзите на Јувентус

Дефанзивецот на Јувентус, Леонардо Бонучи, го надмина коронавирусот. Тој доби два негативни теста на Ковид-19 и од утре може да се врати на тренинзите на тимот.

Бонучи беше дел од кластерот што се појави во италијанската фудбалска репрезентација по последната сесија од квалификациите за СП 2022 во Катар.

Асистентот на Манчини, Даниеле де Роси, заврши во болница поради пневмонија, а уште неколкумина репрезентативци беа позитивни на Ковид-19.