Во потенцијална трансфер-бомба, Барселона изразила интерес за ангажман на Родриго од вечниот ривал Реал Мадрид.
Според информациите на „UOL Esporte“, Каталонците веќе воспоставиле прв контакт со окружувањето на бразилскиот напаѓач, искористувајќи ја неговата желба да го напушти Мадрид.
Родриго отворено ја изразил својата намера да ја побара среќата на друго место. Неколку клубови од Премиер – лигата покажале интерес, но засега нема официјална понуда до Реал Мадрид.
Останува да се види дали Барселона ќе направи одлучувачки чекор и како ќе реагира Флорентино Перез на ваков развој на настаните.
Вреди да се напомене дека последниот фудбалер што директно премина од Реал Мадрид во Барселона беше Луис Енрике во 1996 година.
