Баерн Минхен без Мануел Нојер очигледно не е така сигурен во одбраната. Тоа го искористи Бохум и му го нанесе четвртиот пораз на баварскиот клуб оваа сезона во Бундес-лигата, славејќи со 4-2.
Левандовски во деветтата минута го доведе Баерн во водство, а потоа неверојатен пресврт. Бохум постигна четири гола до крајот на првото полувреме. Анти-Аџеи израмни на 1-1, Локадија од пенал се погрижи за пресврт, а во серија стрелаа и Гамбоа и Холтман.
Левандовски во 75.минута постигна и втор гол, но само за малку да го ублажи поразот.
Борусија Менхенгладбах го победи Аугсбург со 3-2, а Волфсбург славеше на гости против Ајнтрахт со 0-2. Макс Крусе од пенал и Лукебакио беа стрелци за гостите на овој меч.
Гројтер Фурт ја совлада Херта со 2-1, а Фрајбург и Мајнц ремизираа 1-1.
