Силекс и Беласица, очигледно, до крај ќе „војуваат“ за избегнување на претпоследната позиција на табелата која носи во Втората лига следната сезона.
Повеќе од значајни натпревари денеска во 32. коло од Првата македонска фудбалска лига и за двете екипи. Силекс во Кратово ја пречекува Академија Пандев која веќе со сигурност е со обезбедена европска трета позиција, додека Беласица ќе мора на победа на стадионот „Младост“ во Струмица против Македонија ЃП.
И двата состави веруваат дека може да дојдат до посакуваните три бода со кои во последните четири кола ќе се „кршат копјата“ околу опстанокот.
А, во битката за опстанок веќе е отпишана Победа која денеска гостува на Ренова во Тетово. За „гипсарите“ важен меч за да останат во битката за четвртата позиција на табелата која би можела да значи европски излез.
ПМФЛ – 32. КОЛО (денеска, 16 ч.)
Скопје: РАБОТНИЧКИ – ШКЕНДИЈА
Кратово: СИЛЕКС – АК. ПАНДЕВ
Струмица: БЕЛАСИЦА – МАКЕДОНИЈА ЃП
Скопје: ШКУПИ – ВАРДАР
Тетово: РЕНОВА – ПОБЕДА
Standings provided by Sofascore LiveScore
