Барселона на отворањето на Лигата на шампионите загуби убедливо (0-3) од Баерн Минхен на „Камп Ноу“, но остана и без двајца важни играчи на кои нема да може да сметаат уште некое време.
Жорди Алба и Педри заработија повреди поради кои ќе отсуствуваат одреден период.
Клубот потврди дека Педри се здобил со повреда на квадрицепсот на левата нога, а Алба има повреда на грбот. Шпанските медиуми пишуваат дека Педри ќе отсуствува од 10 до 15 дена, додека Алба не треба да се очекува на теренот околу еден месец.
