Барселона ќе претстави дури четири нови играчи во текот на претстојната недела, додека петтиот е блиску до конечен договор.
Први ќе бидат Ерик Гарсија и Серхио Агуеро, откако со Манчестер Сити претрпеа пораз во финалето на Лигата на шампионите. Агуеро треба да биде официјално претставен во текот на денешниот ден. Агуеро ќе потпише договор до 2023 година.
Ерик Гарсија ќе пристигне на медицински прегледи, а се очекува да биде претставен на прес-конференција во вторник. Гарсија е повратник, дете на „Ла Масија“ и ќе потпише договор до 2026 година.
Исто така, се очекува медицинскиот тим на Барса да отпатува во таборот на холандската репрезентација најдоцна до среда, каде ќе изврши прегледи со Џорџинио Вајналдум. Холанѓанецот сега нема да пристигне во Барселона, селекторот Франк де Бур инсистира да остане фокусиран на подготовките за Европското првенство, неговиот трансфер ќе биде официјализиран, со договор до 2024 година, а тој ќе биде официјално претставен по завршувањето на Европското првенство.
Следува Емерсон, чија половина од договорот на Барса ќе биде откупен од Бетис за 9 милиони евра, и така Бразилецот ќе биде целосно во сопственост на каталонскиот клуб. Емерсон треба да биде официјализиран до четврток.
Ниту тоа не е крај, Барса треба да го финализира трансферот на Мемфис Депај во текот на неделата. Сепак, сè уште не е постигнат конечен договор со него, но сигурно е дека сè ќе биде познато и решено во наредните денови.
