Францускиот репрезентативец Осман Дембеле е пред заминување од Барселона. ПСЖ е подготвен да ја активира отштетната клаузула која изнесува 50 милиони евра, но ќе мораат да го комплетираат трансферот до крајот на денот.
Ударот за Барса ќе биде уште поголем, затоа што ќе добие само половина од отштетата. Според клаузулата во договорот, Барселона вметна таква одредба лани, кога исто така се бореше да го задржи Дембеле, а немаше доволно простор во буџетот за да одвои за голема плата за крилниот напаѓач. Затоа реши да му дозволи кога ќе замине, да земе половина од отштетата.
Тоа значи дека ПСЖ денеска ќе ја активира клаузулата, а само 25 милиони евра ќе заминат на „Камп Ноу“. Останатите 25 милиони евра се за Осман Дембеле, кој ќе направи трансфер на „Паркот на принцовите“ и таму исто така ќе добие клупски бонус и огромна плата, како и петгодишен договор со ПСЖ.
