Барселона соопшти дека играчот за врска Серхи Роберто ќе паузира околу еден месец поради повреда на мускулот. Шпанецот ќе мора „под нож“ поради проблем со мускулот на десната надколеница, што значи дека ќе има пауза од три до четири недели, а прашање е дали ќе игра до крајот на оваа година.
Серхи Роберто одигра 12 натпревари, од кои девет во Ла Лига и три во Лигата на шампионите, но во Барселона не се импресионирани од неговите изданија. Последниот збор сепак ќе го има новиот тренер Чави Хернандез.
