Македонија ЃП стигна до втор трофеј во Купот на Македонија во клупската историја, а тренерот Муарем Бајрами е горд на својот тим. По пеналите, „лавовите“ беа подобри изведувачи и го кренаа посакуваниот пехар.
„Заслужено го освоивме трофејот. Беше тежок натпревар, ние немавме најдобро издание, но најважно е дека на крајот победивме. Овој трофеј го посветуваме на нашите навивачи, успеавме да го вратиме во Ѓорче по 16 години. За успехот најзаслужни се фудбалерите, овие момци се вистински „лавови“, херои, успеавме да ја заокружиме сезоната со трофеј и со излез во Европа. Се гордеам со овој тим“, изјави Муарем Бајрами.
