Фудбалерите на Шкупи максимално мотивирани влегуваат во утрешниот дерби-дуел против Вардар, на кој трите бода им се неопходни во битката за излез во фудбалска Европа наредната сезона. Свесни дека зад себе ќе ги имаат и верните навивачи, играчите на Шкупи се оптимисти дека ќе успеат да ја остварат зацртаната цел и да стигнат до цел плен против градскиот ривал.
„Утрешниот натпревар е многу важен за нас, но не и за ардар бидејќи знаеме дека Вардар веќе го осигура второто место на табелата и ќе игра во Лигата на Европа. Ние имаме пред себе зацртани цели, има пет кола до крајот на првенството, ќе сториме се за да останеме на четвртото место на табелата, со надеж дека Академија Пандев ќе го освои Купот на Македонија. Дуелот со Вардар е големо градско дерби, мотив сам по себе за сите фудбалери, но и знаеме колку е важен за нашите навивачи „Шверцери“. Ќе сториме се за да стигнеме до победата и да останеме во игра за Лигата на Европа“ – изјави капитенот на Шкупи, Муарем Бајрами.
Натпреварот меѓу Шкупи и Вардар се игра утре со почеток во 16 часот.
