Германскиот гигант Баерн Минхен потврди дека и официјално нов тренер на тимот од следната сезона ќе биде Џулијан Нагелсман, сегашниот стратег на Лајпциг. Баварскиот клуб ќе плати 25 милиони евра отштета, а Нагелсман потпиша договор на пет сезони. Тој треба во наредните пет години да биде шеф на стручниот штаб на Баерн Минхен.
„Џулијан Нагелсман потпиша договор на пет сезони и тоа доволно асоцира колку тој се поистоветува со Баерн Минхен. Сигурен сум дека со него Баерн Минхен ќе оди уште еден чекор понапред во спортскиот дел. Истовремено, сакам да му се заблагодарам на Ханси Флик за одличната работа што ја заврши во клубот“, изјави директорот Оливер Кан.
Баерн Минхен и оваа сезона ќе ја освои шампионската титула во Бундес-лигата и ќе ја продолжи доминација во германскиот фудбал, а единствен ривал кој го следеше до самиот крај е токму Лајпциг, чиј тренер е Џулијан Нагелсман.
