Германскиот првак Баерн Минхен класично ја нокаутира Борусија Дортмунд во „Дер Класикер“ славејќи со 0-4. Тимот на Томас Тухел беше доминантен во текот на дербито и ја продолжува трката по лидерот Баер Леверкузен.
Дајот Упамекано и Хари Кејн по девет минути игра донесоа предност од 0-2, а Англичанецот до крајот на мечот комплетираше хет-трик постигнувајќи уште два гола во второто полувреме.
За Борусија Дортмунд ова е прв пораз сезонава во Бундес-лигата, но со 21 бод се наоѓа на четвртата позиција.
