Kапитенот на Челси, Цезар Аспиликуета, одлучи да остане на „Стемфорд бриџ“. Иако се најавуваше негов трансфер во Барселона, сепак, раководството на Челси успеа да го убеди да остане. Тој ќе потпише нов двегодишен договор.
Аспиликуета за својата одлука веќе го известил и тренерот на Барселона, Чави Хернандез, кој се надеваше дека ќе го придобие да се пресели на „Камп Ноу“.
Според медиумите од Островот, новиот сопственик Тод Боели лично ги водел разговорите со Цезар Аспиликуета за негово останување во клубот.
