Арсенал ја запиша својата 12. победа оваа сезона во Премиер лигата, триумфирајќи над Тотенхем со 2-1 на домашен терен. Со оваа победа, „топчиите“ собраа 43 бода, намалувајќи ја разликата до лидерот Ливерпул на четири бода, иако „црвените“ имаат одиграно натпревар помалку.
Хјонг-Мин Сон го отвори резултатот за Тотенхем во 25. минута, но автоголот на Соланке во 40. минута го израмни резултатот за Арсенал. Само четири минути подоцна, Леандро Тросар погоди за пресврт, кој на крајот се покажа како доволен за победа.
Во останатите натпревари, Њукасл убедливо го совлада Вулверхемптон со 3-0, благодарение на двата гола на Александер Исак и еден на Гордон. Астон Вила победи минимално (0-1) на гости против Евертон, а Кристал Палас славеше со 0-2 на гостувањето кај Лестер.
